沙田區吃喝玩樂的地方絕對唔少，但來來去去都係沙田市中心、大圍雞粥、火炭大牌檔倒有點欠缺新意。其實，沙田有一間「平靚正」的食店就喺市中心附近，70蚊有齊三餸兩湯同兩碗白飯，重有超過50款菜式任君選擇，每碟嘅用料豐富，一家大細去食包飽肚。
記者：何善華 攝影：伍慶泉
呢間位於乙明邨嘅茶餐廳，毗鄰沙田中央公園，環境舒服寬敞。採訪時候適逢中午黃金時段，看見餐廳門外「堆積」了不少等候入座的食客，食店職員亦忙得不可開交；但見食客與職員經常互相寒暄，可見「明樂茶餐廳」是一間不折不扣的標準街坊型食場。
餐廳負責人達哥表示，餐廳每個時段都有不少食客幫襯，中午時段多數以學生和街坊生意為主。而晚市推出70蚊套餐後，更有不少外來的食客慕名而來，皆因70蚊自助套餐「又抵又平又飽肚」已經傳遍沙田區一帶，「明樂」個招牌亦省到靚一靚，品嘗後漫步於瀝源橋中，既方便消化，又可欣賞沙田河畔月色，何樂而不為。
達哥表示，「明樂」已經在乙明邨屹立20多年，食店主要做街坊和熟客生意。「𠵱家經濟差咗，推出平價嘅套餐是最適合市民嘅需要，當然我哋都會keep番本身嘅質素啦！自從推出呢款套餐後，每晚嘅生意比以前多咗兩成。」達哥認為，每款套餐包一碟新鮮嘅海產魚和鹽焗雞，自選小菜種類又有彈性，啱晒「嘴尖」又要天天新款的食客。
自選小菜五十選一
明樂茶餐廳
地址：沙田乙明邨明信樓61-63號地下
電話：26480875
營業時間：6:00am-11:00pm