HP近年積極力爭多合一打印機市場，高、中、低檔型號三路進攻，銷量口碑都唔錯。而最近推出嘅Deskjet4110，體積只約一部四色打印機，卻已有齊打印、掃描、傳真同彩色影印四大用途，屬全球最細部機種。HP今日就一口氣送出10部Deskjet4110畀《蘋果》讀者，想攞就要細閱內文喇！
記者、攝影：徐影龍 ImageGirl：Polly
多功能打印機Deskjet4110最大賣點係夠細部，收起送紙同出紙支架部份，體積只如一部民用版四色打印機咁細，相當之慳位，加上將多種唔同功能合而為一，令到體積慳上加慳，就算工作環境細小都放得落。咪睇佢機仔細細以為質素有限，HP以打印機聞名，透過最優化打印模式，解像度可高達4,800dpi，打印心愛靚相都唔怕會走樣。至於掃描質素方面，設有1,200×600dpi光學解像度，應付一般用途足夠有餘，就算掃描高品質印刷品或相片都有出色效果。
既然有齊打印同掃描功能，當然唔少得集兩者為一嘅彩色影印用途。除可透過個人電腦，以及HP獨有數碼軟件操控影印品質外，更可於電腦關閉時使用影印功能，搖身一變成一部真正獨立嘅彩色影印機，亦可隨時將影像放大縮細，相當之方便，速度方面亦不俗。至於近年新興加入嘅傳真功能，就內置一個33.6kbps數據機，除支援普通1.44kbps傳真機外，亦可以33.6kbps速度高速傳送彩色傳真至支援機種，令到傳真文件品質大幅提高。值得一提係設有70個快速撥號，㩒吓個掣就可將文件傳真出去。
睇完今日嘅介紹，係咪心思思想捧部Deskjet4110返屋企呢？只要分別答啱兩關嘅問題，就有機會攞到呢部Deskjet4110。若你夠留心細閱今日嘅內文介紹，相信唔難估中答案。
第一關：答問題
Deskjet4110屬多合一功能打印機，請選出下列四個屬Deskjet4110主要之功能，請將英文字母填在參加表格內。
A.彩色影印 D.彩色掃描
B.彩色傳真 E.彩色打印
C.寬頻上網 F.數碼錄影
第二關：辨真假
下列三條題目中，各有一張真、假相片，發揮你個人觀察力，剔選出屬於今日介紹嘅HP多功能打印機之真身，並將真身圖片的英文字母填在參加表格上。
1.
2.
3.
參加辦法
1.參加者須將答案填妥在參加表格內，並聯同個人資料*，傳真至27420542/23075869，即有機會獲獎。
2.遊戲時間為今日早上10:00至下午5:00，過早或逾時均作廢。每人只限參加一次，每次只可傳真一張表格，多過一張者以第一張為準。
3.答中所有問題而又最早傳真**的頭10名參加者各得到HPDeskjet4110一部。
4.如沒有參加者答中全部問題，則以答中最多問題及傳真時間**最早者可獲獎。
5.得獎者將有專人以電話通知。
6.《蘋果日報》及HP員工、家屬不得參加是次遊戲。
7.《蘋果日報》對賽果保留最終決定權，參加者不得異議。
*參加表格上之姓名須與身份證相同，否則將被取消資格。
**以本報傳真機所顯示的時間為準。
‧必須憑報紙上的參加表格才可以參加遊戲。