早輪，亞Mark提過瑞典富豪同韓國現代汽車嘅代理權，遲吓有變嘅消息；當中，富豪嘅代理權可以肯定來年會轉投另一家新公司外，踏入6月將屆滿嘅現代汽車代理權，花落誰家至今仍未有定案，惟上周末亞Mark聽到一則小道消息，話現代嘅廠方人員，曾跟香港數家汽車代理嘅大集團洽商，其中竟包括有平治嘅代理仁孚行。有口痕有同亞Mark講，話照道理仁孚行又點會考慮代理韓國車呀？然而，世事無絕對，話晒𠵱家韓國現代汽車嘅控股權，正係美國佳士拿同德國平治嘅聯營公司，加上早前仁孚行亦曾引入過套用平治品牌嘅韓國雙龍客貨車，若然係車廠嘅主意的話，相信仁孚行代理埋有血緣關係嘅現代汽車，正係適合不過呢！