陳冠希（Edison）日前接受網上節目訪問，暢談他對愛情的看法。原來Edison是一個浪漫的人，最喜歡晚上到沙灘看星星，難怪這位「𠝹女王」在圈中的緋聞不絕。
繼早前訪問過鄭中基與麥浚龍後，now.com.hk的網上節目《森美帶你遊花園》日前邀請了陳冠希任嘉賓，與他大談對浪漫的看法。
問到Edison空閒時會與女友怎樣浪漫的度過？他想了一想說：「去海灘，要夜晚去先好玩，睇星星，再加埋蠟燭。而我心目中最浪漫嘅地方係大溪地，我覺得嗰啲地方就最容易培養感情，我由細到大都好想去。」
問Edison是否很少落淚時，Edison說：「我好少會喊，記得喺六、七歲嘅時候，因為食緊嘅薯條跌咗落地，我就開始喊。爸爸知道後即刻擺咗我喺車尾箱度，佢話畀我聽係女仔先會喊，所以我到𠵱家好少喊，驚又被困喺裏面。」
中彩票雖然是大家夢寐以求的事，但對演藝事業充滿熱誠的Edison來說，就算中了彩票仍會繼續工作。
陳冠希說：「首先我會做埋手頭上嘅工作先，我好鍾意拍戲同唱歌，如果中咗我都會繼續做，因為我有出過力去賺呢啲錢，我𠵱家先二十二歲，唔做嘢好似好嘥。」
撰文：羅慧敏
