上陣不離父子兵，石修與兒子阿Sam陳宇琛一齊在娛樂圈拼搏，今個父親節，慶祝活動分分鐘欠奉，入行多年的修哥當然習以為常。
「每一年父親節咁啱大家都分開，細細個每年都會收到佢嘅畫，近幾年佢會寫Fax畀我，好感動㗎！我收到又會打番電話畀佢。我哋屋企三個人好關心對方，好似𠵱家我同你傾偈提起佢哋，我腦入面又會諗起佢哋嘅形象。」
修哥平日在劇中做慣硬漢，原本以為他教導獨子十分嚴厲，卻是大錯特錯。
「由細到大，大家都有Say，我會同佢Level咗先，大家平起平坐可以傾多啲，太過嚴厲可能會弄巧反拙。」由始至終，阿Sam就在一個溫室的家庭中長大，家務不用操勞，極其量只是間中入廚孝敬父母，家庭生活和諧。修哥自言每天看到兒子安好，已經是最好的父親節禮物。