積累近四十年入廚經驗的蕭太，雖然今日毋須再為搵食而「揸鑊鏟」，但家中不乏好「食」之徒，本領亦不愁無機會發揮。最近天口熱，一班子女都說沒胃口，於是就特別設計了幾款好睇又好食的醒胃菜，有好嘢當然要公諸同好啦！
文：Wind 攝影：黃子偉
示範：蕭太(青衣讀者)
逢星期一至三、五刊出
蕭太細細個就跟大廚爸爸學煮菜，十四歲的時候，就要跟着爸爸周圍去煮菜，有次更去了幾年新加坡至返香港。蕭太之所以有一手好廚藝，都係因為當了爸爸助手多年，到現在自己都「有頭家」，自不然是不折不扣的好「煮」婦。
最近天氣燠熱，家人胃口特別差，而且街外食物又太油膩，於是動動腦筋，選擇多種營養豐富又醒胃的食物，炮製一系列醒胃菜式，不但家人喜愛，連隔籬屋的小朋友都走過來同食，咁好的菜式當然要與大家分享。
是蕭先生鍾意的菜式之一，唔油膩之餘，又容易入口，初時用過其他肉去嘗試炮製，但發現用叉燒整係最好味。
叉燒 約30克
冬瓜 半斤
夜香花 少許
菜心 少許
這味菜式原本用普通豆腐炮製，但發現入口唔夠滑，手藝一流的蕭太轉用日本玉子豆腐炮製，口感果然不同，係最受小朋友歡迎的菜式。
玉子豆腐 2條
番茄 2個
蛋 2隻
蕭太話這味紫菜番茄豆腐湯，有預防大頸泡的功效，而且入口酸酸甜甜，有醒胃效果，個個小朋友都好鍾意飲，不過最好選用台灣出產的紫菜，因為當中含沙量少，唔會有沙粒喺湯度出現。
番茄2個
紫菜適量
豆腐2件