大家都知數碼港由政府負責管理，但日常管理工作其實係由數碼港管理公司負責，噚日政府宣布委任十名商界加入董事局，主席一職由退休滙豐大班施德論出任，其他董事來自各界。八方覺得比較罕有嘅係，香港《經濟日報》主席馮紹波亦獲委為董事。
數碼港項目自成立至今，一直俾人彈多過讚，八方唔知佢哋搵報紙老細入局，係咪想做好啲公關同宣傳工作，還是睇中《經濟日報》嘅強項係物業報道，希望可以從中吸取經驗呢？
施德論年前自滙豐銀行退休後，一直出任不少公職，最近也繼續被委任為港交所董事。
至於其餘董事來頭都唔小，包括港大副校長李焯芬、測量師李頌熹、港交所行政總裁周文耀、安永會計師事務所合夥人陳苑芬、海域副主席許浩明、地鐵資訊科技主管兼香港電腦學會會長賴錫彰、美銀（亞洲）總裁錢乃驥及科大副校長錢大康等。兩名官方代表則為工商及科技局常任秘書長何宣威及財經事務及庫務局常任秘書長黎年。
傳真︰2623-9278
電郵︰