港澳辦有人升職，原秘書行政司司長（人事司）周波獲升為副主任，消息早前傳出，前晚新華社出稿。八方好耐冇上北京採訪，一啲舊朋友升的升，退的退。
原來港澳辦年初已經有人事變動，負責開經濟嘅交流司張良棟早前申請退休獲批，已經離開了，佢嘅朋友話根據中國公務員條例服務夠三十年可退，張良棟肯定已工作滿三十年，所謂人各有志，可能佢有高就啦。
至於新嘅架構，廖暉仍係主任，之前話佢退下嘅傳聞並不正確，他下面有常務副主任陳佐洱，專責聯絡同交流兩個司嘅工作，另外徐澤仍是副主任，專睇法律同政策研究，而周波就專責秘書行政司嘅工作。
傳真︰2623-9278
電郵︰