劉愷威說了一句很久沒聽過的話：「我視老竇為榜樣！」說得坦然。
為了生活，十多年前劉丹將妻兒送往加拿大，自己做太空人兩邊飛，劉愷威眯着眼說：「佢試過放三日假，都用兩日搭飛機過嚟探我哋。」劉丹也記得：「初時日日都擔心佢哋身體、學業、同學仔相處，但原來細路仔適應力最強，過得一個月，就朋友一籮籮，哈哈哈！」
舉止言行似足孖兄弟
劉愷威視老竇為榜樣，因為：「比起老竇二十八歲時，我嘅人生經驗少佢好多，搞到做嘢成日碰釘，又唔夠圓滑，得罪人都唔知。」劉丹也有同感，「我成日勸佢，後生仔做事怕咩蝕底？乜都話無着數唔做。其實做每件事都係一個經驗！」
劉丹父子訪問雖然相隔兩天進行，但兩人都好像心有靈犀，兩人都穿白色T恤，深藍色長褲，說話時手不斷擺動，兩人都鍾意拍我膊頭說「ByeBye」，還有，不知道父親節是哪日。