成班行家趁採訪警隊「一哥」曾蔭培上京訪問，順道採訪盛傳出年退休嘅駐京辦主任梁寶榮，席間講開「沙士」，梁寶榮話早排喺北京疫情最嚴重嘅時候，人人都唔敢出街，條街靜到鬼影都冇隻，就連好似香港彌敦道咁旺嘅長安大街，平均每小時都冇五十架車行過。佢話，駐京辦早排都訂咗三千個口罩畀全體三十多個員工，減低佢哋「中招」機會。
梁寶榮又話佢早排由北京返香港，點知因為「沙士」，當地所有的士都唔開空調，佢惟有喺三十度高溫下焗住坐喺架的士度成個鐘頭，搞到大汗叠細汗，連體溫都升埋，差啲過唔到機場測溫檢查㖭。
（圖）梁寶榮（左）與曾蔭培喺北京早餐會後見記者。
傳真︰2623-9278
電郵︰