麥包九九年與太太結婚時，原本計劃去希臘、意大利及美國旅行結婚，後來因為工作檔期關係取消，結果甚至未有度蜜月，麥包至今仍覺得有點遺憾：「𠵱家最想去旅行嘅地方就係希臘，同老婆一齊去夠浪漫，結婚時已經話要去，結果仍未成行。」
這個浪漫計劃看來還要有排等，因為這位廿四孝父親，又怎捨得把一子一女留在家中自己去玩呢？麥包說：「放低兩個小朋友自己去旅行又唔放心，但係帶埋佢哋又好麻煩，所以都幾難咯，我諗都要過多十年八年，等小朋友大一啲可以照顧自己時，先至有機會成行！」
麥包另一個理想旅行目的地就是南非，他原本有機會到南非拍攝旅遊特輯，結果因為非典型肺炎而暫時取消，他失望地說：「我一早都想去南非㗎！覺得南非好乾淨、好寧靜，唔知幾時可以去呢？」
不過，有小朋友並非任何地方也不能去的，麥包亦有他的天倫旅行計劃：「一家人去旅行，就要揀啲可以開開心心玩嘅地方，好似迪士尼樂園咁，所以都諗過小朋友大啲嘅時候，帶佢哋去日本或者美國。」