韓君婷小時候不准出外跟其他小朋友玩耍，故其童年玩伴只有她四位哥哥，造成韓君婷的男仔頭性格。小時候她跟隨哥哥踢足球，曾將母親心愛的芒果樹當龍門，並不慎將它踢彎，令韓君婷後悔不已。
鬼妹仔韓君婷的父親是英國人，母親為中國人，由於其父親家族有瑞士和丹麥血統，令韓君婷成為英國、瑞士、丹麥和中國的大混血兒。
一歲時，韓君婷的父母因工作關係移居新加坡，雖然小時候母親不准韓君婷走出屋外，跟其他小朋友玩耍，但因韓君婷家住七千呎大屋，單是花園已經有四千呎，活動空間相當充裕。不過小女孩總喜歡玩煮飯仔或洋娃娃，但韓君婷小時候卻不曉得玩洋娃娃。
韓君婷日前說：「我媽咪管教好嚴，我哋喺屋企點樣赤腳周圍走都好，就係唔准我哋走出屋外，所以只可以同哥哥玩。男仔多數鍾意玩槍同踢波，所以細細個我都係同哥哥佢哋喺花園踢吓波、玩吓兵捉賊同彈波子，間唔中佢哋會同我玩跳橡筋繩囉。講到玩公仔喎，當年我真係冇玩過，而且亦都唔知點玩！」
由於滿屋都是男孩子，令韓君婷的性格亦較男仔頭，閒時最喜歡跟哥哥踢足球。韓君婷有次將母親心愛的芒果樹當作龍門，結果將那棵極為珍貴的芒果樹踢彎，當日母親心痛的表情，韓君婷現在回想起來亦感內疚。
韓君婷說：「媽咪一向好鍾意植物，而且好奇怪地佢掂親嗰棵植物，都會生長得好好，唔會死，所以我同哥哥都叫媽咪做Greenfingers！」
撰文：戴彩煥
