上星期，亞Mark提到奧迪快將推出屬旗艦級嘅全新A8車系，點知轉過頭來，今個星期一代理方面，便通知各大汽車傳媒，喺嚟緊嘅星期四佢哋會響尖沙嘴區，替部A8搞個Pre-Launch㖭！據知，部份汽車月刊嘅行家，早前經已陸續被安排試車，聽聞佢哋對部新款A8亦有好高評價；咁梗係啦！話晒部新車嘅同級對手，係寶馬7系同平治S-Class噃！新A8唔止有台型，車廂鋪排豪華又闊落，而且重加入咗好多人工智能嘅High-tech裝備，跟寶馬7系嘅i-Drive系統可謂不遑多讓㖭！據知，代理會率先推出A83.7公升型號，遲吓頂級4.2公升版亦會相繼登場。至於新車定價，亞Mark估計會響一百萬上落，惟代理重要睇埋嚟緊6月尾，財爺會否重新修訂汽車首次登記稅，究竟打稅多95%還是105%呢？咁就要睇吓各大汽車代理嘅Power喇！努力、努力、努力！加油、加油、加油！