香港人五個有一個患情緒病，三十五至五十四歲最高危。
噚日中文大學香港健康情緒中心聯同香港醫學會合作搞咗個《心晴行動》開展儀式，呼籲市民關注情緒病問題，健康情緒中心主管李誠教授、醫學會會長勞永樂醫生都有出席、歌手楊千嬅重做埋「心晴大使」㖭。
李教授可謂三句不離本行，噚日竟逐一為嘉賓斷症，佢講笑話，估勞醫生喺五十四歲以下，可能會有胸口翳悶呢個情緒病徵，又話勞醫生長期坐喺立法會，應該同時會有「覺得將來冇乜希望」呢個症狀。
至於另一嘉賓楊千嬅，李教授就好識做話睇佢最多十五至二十四歲，重話千嬅應該好少情緒病病徵，最多都只係精神唔集中。
傳真︰2623-9278
電郵︰