「梗係想收到仔仔親手畫嘅父親節卡啦，好威㗎！」
還未收到父親節禮物，只是提起自己的小寶寶，鄧建明（Joey）已經說得眉飛色舞，不過，Joey如果想威一下，收到阿仔畫的父親節卡，相信就有排等了，因為仔仔現在還只得二十個月大。
當上父親後，今年是Joey的第二個父親節，心情反而較去年首個父親節更興奮，他說：「上年父親節時，仔仔只有八個月大，自己都無咩感覺，又唔方便帶佢周圍去，於是只有我跟太太出街食飯當慶祝。今年就唔同喇，可以帶埋佢出去搵好嘢食。仔仔好鍾意食嘢㗎，只要畀嘢佢食，佢就會坐得好乖，唔會亂嘈扭計。」
不少父親也會趁父親節給自己買份禮物自我慶祝，Joey今年也準備買一份父親節禮物，但卻係反傳統地送畀仔仔的，而禮物就係自己心儀已久的玩具車，Joey笑說：「份禮物真係送畀仔仔㗎，但佢重細未識玩，咁我就可以自己玩咗先啦！」