年近五十歲任職地盤散工的錦叔，失業多月，經濟緊絀，除了三餐不繼之外，還要照顧一對年幼孫兒。貧窮的他，無力購買孫兒所需的奶粉及尿片等物品，生活陷困。蘋果日報慈善基金即時撥款解其困境。
「呢兩個孫喺香港出世之後，一路都係由我哋兩公婆照顧佢哋嘅飲食，有時自己冇錢開飯，就算我唔食，但係見到啲孫喊，都會諗辦法問朋友借錢買奶粉畀佢哋食吖！早排孫仔發燒又要使錢睇醫生。𠵱家我哋都唔敢諗太多，惟有見步行步啦！」錦叔愁眉不展地說。
大半生在塑膠廠從事技工的錦叔，與妻子結婚多年，育有三名兒女，均已成家立室，居於內地，
次子阿文與媳婦阿月育有兩名現年分別七個月大的稚女及兩歲的兒子；阿文以前在內地任職售貨員，現已失業，無力供養兩名年幼兒女，遂交由錦叔夫婦照顧。
錦叔早年因工廠北移內地發展而失業，遂轉行任職地盤散工，收入不穩；其妻則任職清潔雜工，幫補生計。九七年，本港經濟不景，妻子遭裁員，而他亦經常開工不足，夫婦早已耗盡僅餘的積蓄，經濟陷入困境，須節衣縮食過活。
這年多來，兒子及媳婦均持雙程證留港照顧孩子。因此，身為爺爺的錦叔，便肩負起一對孫兒的起居飲食，惟生活貧困的他，扣除每月的基本伙食費用後，還要應付兒子及媳婦的生活開支，令生活百上加斤。
「呢幾年經濟愈嚟愈差，每個月收入最多得三、四千蚊，呢幾個月重冇工開，𠵱家生活上都盡量好慳，BB嘅衫褲好多都係靠人哋畀。坦白講，我哋兩公婆好又一餐唔好又一餐，最希望個孫有得食有得着。」憂心忡忡的他無奈地歎道。
為了兩名孫兒日後的生活費用，刻下，貧困的錦叔夫婦已向社會福利署申請綜援，惟有關申請尚在審批當中。
蘋果日報慈善基金了解他們的經濟困境後，即時撥款三千元，助他購買孫兒所需的奶粉及尿片等日用品，以解燃眉之急。
捐款編號：C0981
暖流熱線
電話:29908688
傳真:23702192
電郵:
網址：
