昨日不少黃家駒fans為偶像送上別具心思的祭品,如一部紙紮的手提電腦和DVD機等,而家強、阿Paul和世榮則送上一部紙紮電視機、男女裝衣服各一套、三個附薦包和一些日常生活用品等。 三子贈女裝衫 事後問阿Paul何以送一套女裝衣服給家駒時,阿Paul即笑說:「其實每年我哋都會送唔同嘢畀佢,點解送女裝衫?諗住等佢送畀朋友囉!我哋識咗咁多年,大家知道乜嘢事㗎啦。」此外,昨日家駒墳前擺放了不少鮮花、雞、乳豬、香煙、蛋糕和生果,盡是家駒生前愛吃的食物。