現年二十六歲的內地女星周迅，前日現身東京涉谷一間大型唱片店舉行Talk騷，宣傳下月十九日在當地上映的港產片《香港有個荷里活》，她在二百位fans面前分享自己的生活。 欣賞王菲 以吊帶背心出現的周迅前日說：「我細細個嗰陣已經好鍾意演戲、唱歌同跳舞，最欣賞王菲同玉置浩二。」被問到喜歡的電影時，周迅說：「我喜歡北野武嘅作品，重有岩井俊二嘅《燕尾蝶》，近期啱啱先睇咗《鋼琴戰曲》，自己真係好鍾意啲描寫生命光輝嘅作品。」