如果大家記性好的話，相信都應該重記得，響較早前我哋曾經為大家介紹過，配用3.2公升V6Kompressor引擎嘅新款Vectra高性能版本，其高性能房跑車造型，絕能令人對其留有深刻印象；然而，響最近又有外國傳媒報道，話歐寶廠方正為旗下備受車迷追捧嘅Corsa小車，推出GSi強化型號，並有望於短時間內面世㖭！
從相片中可以睇到，快將推出嘅新版CorsaGSi小跑車，全車加有大包圍之餘，加上誇張嘅拋外輪拱、四輪17吋跑車合金胎軨，以及雙出式跑車尾喉組合，一派小跑車形象可謂表露無遺；但由於暫時未有此車車廂配搭嘅有關資料，故仍有待廠方公布後方可作實。
引擎配搭方面，據聞呢部CorsaGSi將會以一台1.6公升Turbo偈作核心，馬力及扭力輸出則分別為180匹及21.4kgm，絕能與雷諾ClioRS2.0等高性能跑車相比㗎！