向來以rock女形象示人嘅美國唱作女歌手Jewel，近排學人走性感路線，可惜唔夠徹底，就好似佢噚日為NBA季後賽中場表演咁，着咗件勁密實嘅外套配小短裙，露得嗰少少腰，對腳又唔見得修長過人，真係冇乜睇頭。Jewel重要擺個「我是個茶壺肥又矮」嘅甫士，睇到我羅拉眼都凸埋，結果主場嘅新澤西網隊喺下半場接連失分，唔知同Jewel嘅中場表演有冇關係呢？