呢輪日產表現變得積極，除咗上周末正式推出Facelifted新版嘅Sunny之外，近十年幾乎為豐田Hiace獨佔鰲頭嘅客貨Van市場，由於早陣子日產代理，運嚟新一代Urvan有唔錯口碑同銷量之後，亞Mark聽聞代理方面，重有計劃響短期內，運嚟同樣以一台3.0公升柴油偈作主打，但就加埋Turbo增壓器嘅Urvan新型號，單係馬力輸出便高達121ps/3200rpm；扭力響1600-3200rpm時，峯值更達27.0kgm㖭！惟平均耗油量亦只係16.9km/L，單係性能表現經已較同級嘅Hiace高出一截，加上新Urvan重有齊雙安全氣袋、四輪合金胎軨、原廠前後獨立冷氣等裝備，看來今勻日產想一改策略，既然客用車輛追唔到豐田的話，反之年銷量達數千輛嘅客貨Van市場，重有把握得多啦！