「搬咗新屋之後，我慢慢置番啲枱櫈、衣櫃同幾張床，𠵱家一家人已經安頓落嚟，多謝關心！」蕭太向記者表示。
月前，粉嶺華明邨一宗缺德居民亂擲煙蒂落街案件，將樓下蕭太一家五口居住的單位嚴重焚毀，蕭家事後獲房屋署恩恤分配入住另一公屋單位，不致無家可歸。惟貧困的蕭家，面對衣服及財物盡失，無力負擔搬遷新居的屋租、水電按金及雜費開支，一度彷徨無助。「大仔做餐廳水吧學徒，賺錢勉強夠佢自己使，對下兩個仔女讀全日制，每月食用同車費開支唔少，令頭家長期入不敷支，已經問親友借落唔少錢，要有排還債，邊有多餘錢用嚟應急！」四十歲的蕭太訴說，她原從事餐廳收銀員，因市道欠佳而失業多時；其夫一向任職跟車送貨工人，近年長期開工不足，致令舉家陷困，經濟非常緊絀。
蘋果日報慈善基金月前了解蕭太的苦況後，曾撥款一萬元，助她支付搬屋費用，紓緩其經濟壓力。記者近日另將一筆合共二千四百元的讀者捐款轉交蕭太簽收。「我丈夫經常冇工開，收入好唔穩定。𠵱家有筆錢幫忙我哋，真係好多謝大家！」蕭太接過讀者的善款後由衷地說。
捐款編號：C0866
暖流熱線
電話:29908688
傳真:23702192
電郵:
網址：