黑人格鬥家BobSapp已經成功殺入日本藝能界，前日重出埋寫真集兼搞握手會，到場嘅小朋友重要阿Bob抱抱，睇嚟佢唔靠個拳頭都搵到飯食。握手會上阿Bob極力否認佢已經結咗婚嘅傳聞，重即場呼籲對佢有興趣嘅靚女約佢去街。而阿Bob原來勁冧靚女原沙知繪，話就算親唔到對方香澤，都希望可以合作拍吓戲。有夢想就可以成真㗎，阿Bob諗多啲啦！