【本報訊】全國人大代表李鵬飛繼早前公然「倒董」後，昨日在城市大學一個研討會上，再次表達對特首董建華施政的不滿。他鼓勵城大師生要積極爭取一個民選政府，「我認為一個有承擔嘅政府係要由市民選出嚟。」
「拯救城大副學士課程行動組」昨日舉行研討會，召集人馮偉華表示，對教統局削資源的做法感到失望，認為政府將大專教育商品化，打算在六月底遊行抗議。與會講者李鵬飛坦言，削大學資源是愚蠢的做法，因為教育是令香港進步的決定因素，「特區政府做咗好多令人詫異嘅嘢，但冇嘢蠢得過cut（削減）大學budget（財政預算）。」
李鵬飛在會上亦表達了對八間大學校長的不滿，認為他們沒有盡力反對政府削資源，「我可以大膽講，有啲校長對香港冇心機，如果佢哋要fight（爭取），點都fight到，的士司機都fight到啦！」
特首董建華初上任時曾提出香港在十年內，百分之六十五的適齡學生要受過高等教育，李鵬飛笑說，可能是特首以新加坡前總理李光耀為偶像，想香港達到新加坡的水平，但現在目標達不到還要削資源，他對此表示不滿：「任何人做領導人，佢嘅承諾要carryout（履行），今日我認為董生suffer（受罪），就係因為carryout唔到政府嘅承諾。」他又指，董建華五年前已經表示大學學制要三改四，但現預計要到2013年才能實現，「蚊都瞓啦，（香港）最後點同人競爭呢？」
李鵬飛說最近愛讚研「老子」的哲學，內裏談及如何以民為本，如何當君主的問題，令他「好希望講畀董生聽，（特首）唔使睇雍正皇朝。」
李鵬飛又提及，有機構為出席晚會的特首夫人預留廁所，他表示對香港出現「擦鞋」風氣感到悲哀，並鼓勵在場教師深思，現時社會上的教育、醫療等問題的根源，「點解會搞成今日咁呢？到時（上街）唔係淨係為教育理念，到時你係咪決定要你投票選出特首呢？嗰個權係要揸係香港市民嘅手，你會唔會去爭取呢？」