曾以韓文名字CHONANKAN在韓國推出唱片的SMAP成員草囗剛，前日現身TBS電視台訪問到訪日本的南韓總統盧武鉉。當他問南韓總統是否認識SMAP時，盧武鉉竟以為此名字是卡通片主角，登時引來全場大笑。
剛仔近年練得一口流利韓文，前日可謂大派用場，他為特備電視節目《百人百熱》訪問到訪的南韓總統盧武鉉時，完全毋須傳譯員協助。
當剛仔問盧總統是否認識SMAP時，盧總統反問：「係咪卡通片主角嚟㗎？」剛仔即時無奈地說：「佢哋係日本好出名嘅組合嚟㗎！」而盧總統則不好意思地說：「韓國嘅組合我都唔識㗎，畢竟年輕人嘅音樂係難以理解。」引得全場笑聲此起彼落。
不過，剛仔在節目中亦向盧總統提出了不少認真的問題，例如南北韓能否在十年內統一及韓國年輕人較日本年輕人更關心政治是否與當地的兵役制度有關等。當剛仔問到泡菜是否有效抵抗「沙士」時，盧總統幽默地說：「雖然冇呢方面嘅證據，但我平日真係食好多，𠵱家都冇患過沙士，希望大家繼續食，令泡菜大賣！」