宜進利（304）近排表現神勇，一來升幅大，二來成交量忽然急增，由於隻股向來由年輕炒家睇住，小初起初以為年輕炒家忽然有新水到，故此大發神威。
不過，經紀陳話年輕炒家已經離場，家陣係由另一幫人士主理，炒作人馬唔同咗，故此風格亦不同。
據小初所知，年輕炒家去年已經開始炒作宜進利，由0.18元水平一路炒上，早前抽高至0.50元附近，非常有交代，究竟點解要轉幕後炒家呢？經紀陳話佢唔清楚，亦唔知年輕炒家手貨甩晒未。
睇宜進利近排走勢，就知呢班新炒家好急進，接棒後三扒兩撥就大幅炒高，噚日再大升11.48%，收0.68元，成交金額亦有成1100萬銀。
雖然宜進利股價升咗咁多，但往績PE只係3.44倍，加上炒家應仍未散貨，唔排除重有上升空間，但跟炒就要十分小心，提防中招。
慕容小初