日前鄭希怡（Yumiko）拍攝網劇《是像愛人》，扮演一名Web-j，劇中的她為令壞男人改邪歸正，竟大玩制服誘惑，分別扮護士、空姐、白雪公主及紮起孖辮以學生妹造型，在泳池內教化鹹濕佬。
鄭希怡在now.com.hk的音樂網劇《是像愛人》中，飾演一名Web-j，由於她在劇中要不斷感化壞男人，故她為𠱁男人歡心，不惜大玩制服誘惑，既扮護士、空姐及白雪公主，還要紮孖辮扮學生妹。
日前Yumiko在西貢抽乾水的泳池內拍攝，她在又熱又焗的池底拍足八小時，故整日汗流浹背，而劇情講述她與鹹濕佬相約見面，但對方要求她扮成學生妹，向來走性感路線的Yumiko突轉學生look相當煞食，她亦邀請專人設計校服。
當日Yumiko變身完畢，步出泳池的更衣室時，在場的工作人員更大叫要做她的同學，令Yumiko哭笑不得。
另外，因近月香港受SARS影響，為免敏感招人話柄，故Yumiko在劇中扮護士的戲份除部份被刪外，亦嚴禁造型曝光。
昨日記者聯絡Yumiko，她在電話中說：「我扮嗰個係純情學生妹嚟㗎，拍嗰日我要講Goodmorning,sir，好無知㗎。其實我喺戲入面有幾個造型，但我最鍾意呢個，會令我諗番以前讀書嘅日子，我都有兩、三年冇着過校服，但啲校服重放喺屋企，着出街就梗係唔會啦，最多喺屋企試吓。而呢次拍嘢着嗰套校服，係度身訂做㗎，我都想佢哋送畀我留念。」 採訪：朱芷瑩
