鼓勵學生哥將健康飲食概念實踐於日常生活，幾間教育機構合辦了一個以三文魚為主題的健康午膳烹飪大賽。聖公會諸聖中學一班同學仔一早度好餐單，並率先試煮。有興趣參賽的話，不妨先偷師！
記者：吳佩璇
攝影：梁細權
為響應這個以健康飲食為前提的中學生烹飪比賽，有9間中學已率先參加一個為期3課的短期課程，以了解更多關於三文魚的營養價值及烹調手法。其中聖公會諸聖中學一班中三學生，更已經預備好參賽食譜，並預先試煮一次，作為賽前熱身，還不吝嗇地公諸同好！
這個比賽的主題，是參賽的學生要以三文魚構思各款健康美食。幼聯健康生活營養師彭慧芝（Phoebe）指，魚是蛋白質的主要來源，且含豐富的礦物質和維生素，比肉類又更易消化。而三文魚除含豐富蛋白質外，最特別是含有不飽和脂肪酸Omega3。只有深海魚類才蘊含特別豐富的Omega3。其好處是能促進腦部發育、治療和預防多種心臟血管病、增強免疫力、防止慢性傳染病、糖尿病及某些癌症……故曾被外國權威雜誌選為十大健康食物之一。如此有營，當然值得推廣。
名如其菜，單看賣相已感受到何謂「春色無邊」。負責的兩位同學阿琳與聰怡，話當初設計此菜式，正值是回春之際，故在三文魚之上，加入西蘭花、紅蘿蔔、粟米湯等，令整道菜式有紅、黃、綠、橙等色，先贏賣相。阿琳重話：「有魚有菜，我哋呢個餸做到營養均衡，有豐富嘅食用纖維。」
用咩料：
三文魚200g、金菇50g、西蘭花150g、紅蘿蔔150g、粟米湯1-2杯
調味：鹽、胡椒粉及油各少許。
好易做：
1.順紋將三文魚切成1-2cm薄片，撒上胡椒粉及鹽。另金菇用2湯匙油爆香，加少許鹽待用。
營養師Phoebe小評夠均衡
呢個食譜設計好着重顏色配搭，淨係賣相都已經令人增加食慾。而且其他配料，好似金菇、蘿蔔、粟米咁，都有好豐富纖維。同學重專登配以炒飯，切合午膳主題之餘，又做到有五穀、有肉、有菜嘅均衡飲食原則。
另一道準備參賽的菜式，就以簡單清淡為主。參與的同學Amy及Carmen，意念來源是參考坊間的三文魚食譜。兩位女同學齊齊花了半小時就完成初步菜譜。Amy還賣花讚花香：「用黃芽白捲三文魚食，夠清夠健康。」
用咩料：
三文魚200g、黃芽白4片、西蘭花1小棵
調味：油1湯匙、鹽及豉油各少許
營養師Phoebe小評──夠清淡
「食譜望落雖然簡單，但係都同樣做到有肉、有菜嘅飲食原則。用黃芽白捲起三文魚，賣相好又有豐富纖維。不過最抵讚係同學用咗蒸三文魚嘅烹調方法，蒸唔單止少油，重可以保留食物水份。」