不要看有線足球評述員馬啟仁（Keyman）白白淨，身材瘦削，原來佢自細已經非常好動，尤其喜歡跑步和踢波，而當時參與運動主要是貪玩及好勝，完全沒有想過強健體魄；不過，現在做運動除令身體健康外，更重要是在做運動的過程中不斷思考、清醒腦筋，以求達致心靈及身體同樣健康的境界。 文：曾雁平 圖：王子俊
Keyman在中學時代會用幾個月時間去練跑準備學校的陸運會及學界比賽，而他至今仍保持校內的八百米跑紀錄，又試過參加越野跑；只是當時完全沒有想過運動會成為現在日常生活的一部份，當踏入社會工作便知道運動是不可缺少。
怎樣才算得是健康？Keyman說，健康不但是做運動，心靈的健康同樣重要，他說：「keepfit做運動的方法各有不同，總之經常參與已經可以，而要做到心靈健康，最緊要是以正面思考；經常同自己講任何事情都有解決方法，並以積極、開朗嘅態度面對眼前挑戰，而心情開朗病痛都少啲。」
這位新一代最受歡迎「講波佬」更想了一套特別的健康方法，就是持之有恒地每星期找幾日早些起床去游水，而午夜時分落街跑步，思考生活上所發生的種種事情。
他說：「以前跑步或者踢波係諗住點樣可以跑得快啲同贏對手，而我現在經常游水同跑步，並在做運動嘅過程中去諗嘢；而做運動嘅過程唔好太過激烈，盡量唔好有辛苦嘅感覺，因為一覺得辛苦，就好容易影響到自己之後唔再做運動。」
「我朝早去游水主要係保持身體嘅靈活性，同曬一曬太陽，而每次大約游二十幾至三十分鐘左右，游完之後個人會精神好多。至於夜晚跑步則係清醒頭腦為主。現今城市人生活繁忙，基本上冇乜時間去思考，而我會趁跑步時諗番過去幾日生活所發生過嘅嘢，跑步時去諗嘢通常都會正面好多。當然，間中會諗好多藉口令自己唔落街跑步，只係經過一輪掙扎再落街跑步，出一身汗，再諗番就會覺得好值得。」馬啟仁說。
講波工作時間顛倒，間中需要通宵講波，早幾年keyman試過通宵講波後不休息，事後令到自己更加疲倦，並需要更長時間恢復，他說：「其實我現在嘅工作同球迷落酒吧睇波冇分別，所以會經常提醒自己講波係一種娛樂，以咁嘅心態去講波，個人自然會開心好多，就算開夜都唔會覺得辛苦。」
英文名：Keyman
出生日期：24/10
身高：1米80
體重：69公斤
家庭狀況：已婚、1女
現職：有線足球評述員
講波幾耐：8年
