記協周年舞會，查實重有好多古仔。
話說環境運輸及工務局局長廖秀冬做壓軸嘉賓，用鋼琴演奏一曲《蕭邦夢幻曲》為記協籌款。不過世界艱難，主持黃毓民要搵人贊助嘉賓演出都唔係咁易，正牙痛咁聲之際，好彩中大醫學院院長鍾尚志「自動投案」，將自己在沙士期間唯一一單生意嘅手術費一萬大元奉上。
原來鍾教授話好多謝「冬姑」深入虎穴，親身到威爾斯醫院視察環境，研究改善方法，教授話音剛落，即時掌聲雷動。
「冬姑」就話：「值得尊敬嘅係醫護人員，我去一日有幾危險啫，你哋成日喺度都係咁啦。」黃毓民叫廖秀冬小心民望高過特首會「功高蓋主」，而八方就擔心董生董太聽完上面一番話，會覺得「冬姑」暗寸佢哋一個話聽醫生忠告醫院都唔肯去，另一個就成副武裝入牛頭角。
傳真︰2623-9278
電郵︰