近日有傳日本女星藤原紀香為挽回人氣，打算拍攝露毛寫真，曾與她傳緋聞的郭富城前晚被問到此事，即拍心口為紀香澄清，表示對方絕不可能拍露毛寫真，言語間似乎透露二人並非泛泛之交。
郭富城、李克勤、陳奕迅、張學友、劉德華及吳京等前晚在赤鱲角機場為《心連心．香港再起飛》演出。城城表演後，被問到有否聽聞藤原紀香為力挽人氣，打算拍露毛寫真一事，他即滔滔不絕說：「我識得我好朋友紀香係好有教育品德嘅，係個好好嘅女仔，我覺得呢啲謠言係吹噓啫。」
問到紀香有否向城城透露此事時，城城極力為好友澄清，他說：「我有好多朋友，朋友當中我夠膽為佢答呢個問題，佢係唔會咁做，有機會我會傳電郵問候吓佢。紀香嘅價值觀中係冇呢樣嘢，佢只會努力工作，好勤力，連病都會開工。」
問城城可贊成紀香拍露毛寫真？他說：「唔會係事實。」被問到可覺得紀香事業不如意時，城城說：「私人問題我唔答，你哋問番佢經理人啦。」
李克勤與陳慧琳合唱的《愛一個人》登上今期商台叱咤榜冠軍，克勤前晚表示相當開心，他說：「我上次有冠軍歌到𠵱家已經有七年，真係值得慶祝，許志安陳奕迅佢就當家常便飯，我就好似中六合彩咁，冇歌手想同媒體關係唔好。我見到劉德華都同我一樣，如果商台搵我派雞尾包都得，佢哋七月或者八月要乜員工，我都樂意去做。」
陳潔靈前晚透露張國榮好友唐鶴德近況，她說：「我冇同佢打波，但有去佢屋企打牌，大家熱鬧啲陪吓佢啫。」陳潔靈又謂唐唐精神不錯。
此外，克勤昨天出席港台在理大舉行的「合家歡家長導航計劃」，代表現場五十位畢業生，在教育統籌委員會主席王䓪鳴手上領取證書。當克勤在台上表演時，更受到現場的小朋友歡迎。有小歌迷送花後不願離開，與克勤坐在台邊唱歌。
採訪：李珮洳、胡比
攝影：仇志德、陳慧安
