噚日警務處「一哥」曾蔭培率領多名手下上北京舉行一年一度嘅雙邊例會，亦都很大機會係曾蔭培最後一次以「一哥」身份訪問北京。記者當然唔會錯過呢次機會，一齊陪「一哥」上京啦。
「一哥」喺機上突然由頭等機艙行去經濟艙，同手下傾幾句，眾行家當然機不可失，立刻衝上前影相，有乘客更大嗌「一哥呀！」令機艙引起騷動，「一哥」頓時不知所措，惟有立即返回頭等艙。
講開今次「一哥」北訪，聽聞新上任嘅北京公安部部長周永康向公安頒布「五禁」，即禁酒後駕駛、禁酒後持槍、禁酒後執勤，以及下屬酒後犯事、上級要負責任等。令上面流行嘅「敬酒」文化消失，相信「一哥」今次來京唔再需要四圍敬酒呢！
傳真︰2623-9278
電郵︰