性感小雲雀KylieMinogue，自年初與法國男星奧利華馬天尼斯（OlivierMartinez）拍拖之後，曾揚言渴望盡快組織小家庭。昨日英國有消息傳出，Kylie原來已悄悄懷孕，有記者致電向她求證消息時，近來身形更見豐滿的Kylie即慌忙掛線，令傳聞更耐人尋味。
據英國《SundayPeople》報道，與男友共賦同居的Kylie，早前向身邊密友吐露意外懷了男友奧利華的胎兒，而其口沒遮攔的好友，則向其他人爆料，以致事件公開。一位知情者說：「Kylie嘅朋友喺電話度講咗畀人聽佢大肚，如果件事係真就值得恭喜，佢恨生仔恨咗好耐㗎啦！」
當該報記者前日致電向Kylie求證消息，起初她在聽筒中很有禮貌，但當Kylie清楚記者欲查詢其懷孕消息時，其態度即時變得決絕，並立刻掛線。而記者再向Kylie的發言人查詢時，他們照例否認傳聞說：「我哋已經問咗Kylie，佢叫我同你哋澄清，佢根本冇大肚。」
雖然Kylie聲稱自己沒有懷孕，但其身邊的朋友卻有另一套見解，認為Kylie想過多兩個月才公布喜訊。其實早前Kylie的好友先後榮升母親，有說Kylie亦心動，就連她的胞妹Dannii亦說：「家姐第時一定會生仔，其實佢好鍾意BB。」