自從樂壇出現咗隊Twins之後，香港人對twins嘅定義當堂模糊晒，求其兩個人行埋一齊就叫twins。以正視聽，八方今日隆重介紹兩對名副其實嘅twins畀大家認識，佢哋就係九歲嘅孖女苑菁、苑繕，同四歲嘅孖仔伯齊、伯謙。
香港電台噚日舉行「合家歡家長導航計劃」畢業禮，嘉許一千五百個家庭，點知大會畀兩對正牌嘅twins搶晒風頭。孖胎唔出奇，奇就奇在兩對孖公仔同是鄒太的傑作。唔好以為有兩對孖公仔好過癮，鄒太在家以一敵四，都咪話唔辛苦。
好在孖女逐漸長大，分擔咗媽咪部份工作，大孖囡囡苑菁負責看管大孖囝囝伯齊，細孖囡囡苑繕就睇住細孖囝囝伯謙，人盯人戰術暫時都好成功。
（圖）鄒太五年抱四，生完孖女又生孖仔，唔怪得笑得咁開心。
張志華攝
傳真︰2623-9278
電郵︰