噚日民間人權陣線搞嘅「民間圓桌會議」，中間小休時間成班人捧咗兩個生日蛋糕出嚟同民主黨前主席李柱銘慶祝六十五歲生日。馬丁被老董指唱衰香港，有人好有心思，喺個蛋糕上寫住「年年音色美麗」、「中氣十足」兩句賀詞，民主黨則輯錄咗馬丁多年從政事迹製成VCD當做賀禮。
咁多人同佢做壽，馬丁笑言噚日開始多咗個身份，就係香港「最年輕長者」，佢又諷刺董太，話自己生日願望係「民主、民主、民主」。
同馬丁一齊去美國嘅羅沃啟話，雖然香港係疫區，但呢次美國之行並無受人歧視，反而佢哋成日掛喺口唇邊，以前影相就講「1、2、3、Cheers」，今次就「1、2、3、Sars」。
（圖）馬丁（中）雙手一齊切蛋糕真新鮮，華叔（左）、張文光（右）在旁等食。
傳真︰2623-9278
電郵︰