謝霆鋒三年前曾公開批評無綫是令人「羞家」的傳媒，音樂節目是垃圾，但他為宣傳新碟，前晚竟參與錄影無綫音樂節目《勁歌金曲》，他更獲無綫特別優待，不用如陳慧琳等演出扮嘢的環節，只須唱歌便可。
謝霆鋒三年前接受《時代》雜誌網頁訪問時，公開批評無綫是令人「羞家」的傳媒，音樂節目是垃圾，一度遭無綫封殺。霆鋒近日為了宣傳新唱片，前晚到將軍澳電視廣播城錄影《勁歌金曲》，還邀請了麥浚龍（Juno）任嘉賓。而有份錄影的尚有黃伊汶，主持林曉峰則與鄭中基等人扮溫拿五虎。
近日《勁歌》增加新環節，前來演出的嘉賓都會扮嘢，如之前容祖兒扮梅艷芳，陳慧琳扮譚詠麟等，可是霆鋒前晚錄影時只是跟同行的樂隊一起演出和唱歌。問霆鋒是否要玩遊戲便不上《勁歌》，他只點頭微笑，但卻大擦無綫鞋說：「TVB好大方，畀我今次以音樂為主，淨係唱歌，唔使扮嘢，每個歌手有唔同特色。」
對於與無綫的關係，霆鋒說：「一向唔係好差，我唔上《勁歌》唔代表差。」記者重提霆鋒曾揶揄《勁歌》是垃圾音樂節目，他詐儍扮懵笑說：「吓，《垃圾》係歌名，上得嚟就唔使講咁多，等陣睇吓就知。TVB咁大誠意畀我上嚟玩，我點解唔上。」
問霆鋒以後上《勁歌》是否一定不扮嘢？他說：「係，要以音樂為主。」但被問到其他歌手都要扮嘢，他為何獲優待時，他說：「唔知。」那他可擔心其他歌手對無綫有此要求？霆鋒說：「你問監製。」
此外，霆鋒前晚邀請了Juno做嘉賓，他說：「我當年做新人同Juno一樣被人噓，但唔緊要，最緊要做好音樂，令樂壇百花盛放。」Juno則說：「我出道同霆鋒一樣，我哋曾讀過同一間國際學校，我會做好自己。」
採訪：楊潔雯 攝影：林德雄
