雛形明子身為日本最大水着女星事務所YellowCab嘅大師姐，加上二十歲就嫁人生仔建立慈母形象，性感又嫻淑，本來係男士嘅幻想對象、女人嘅瘦身標準。
但唔使我羅拉多講，大家都記得佢前年俾狗仔隊發現佢同經理人車中鬼混，之後又俾人踢爆婚前婚後感情生活嘅胡塗帳，𠵱家雛形好多時都會被派去做一啲俾人玩嘅角色。最近我見佢演出草剛主持嘅搞笑節目《PUSSUMA》，無喇喇做緊古裝戲，都要喺一班男人面前露T-back搞笑，令人心酸。
草囗剛主持嘅節目，三級極有限，而且雛形唔係茄喱啡嚟㗎，相反重係主角，同《高校教師》嘅變態老師京本政樹，鬥快嚇到草剛、YUSUKESANTAMARIA嗌救命為止。京本就化個濃妝做大戲嚇人，而着住和服嘅雛形，竟然擰轉身露T-back！
最後當然雛形贏晒啦，但事後個個都感歎佢𠵱家要咁cheap。好彩個節目十一點後播，如果唔係真係兒童不宜。