【本報訊】雖然特區政府在處理非典型肺炎及《基本法》二十三條立法問題上，完全漠視社會廣大市民意見，但天主教香港教區主教陳日君仍勉勵香港人，在惡劣環境下要堅持做一個有良心的人，「要對得住自己，對得住下一代」，而追求民主更加是合乎良心、合乎天主教信仰的目標。
陳日君又不點名批評由政務司司長曾蔭權提出一連串打擊垃圾蟲政策，對低下層太過份，「𠵱家新措施，關於清潔香港，啲咁嚴重嘅懲罰……我覺得過份咗啲！」他又批評，政府忽略低下層利益，「好似一刀切減綜援，沙士發生好似冇發生咁，純粹諗住財赤。」
陳日君昨日出席由天主教正義和平委員會舉行的二十三條與非典型肺炎研討會。陳日君主教認為，特區為二十三條立法「肯定係一個災禍」，「如果通過咗，會嚴重破壞香港社會，尤其破壞對香港，對國家好重要嘅一國兩制。」
陳日君強調，香港人是「有理想，講正義」，不論從信仰或個人角度，「做人要講良心，我哋天主教講做人要聽天主話」。
他又批評問責制不民主，「𠵱家清楚喇，原來問責制係向董先生問責，我哋冇份。」他又指，這種制度與天主教信仰及個人良心都有衝突，「問責制單單向特首，完全唔符合我哋對天主領導人類嘅睇法，呢種純粹係人治，唔使聽市民講，佢話晒事」。
他並認為，只有民主是合乎要求，「民主照我哋嘅信仰睇，係合乎社會生活方式……民主制就係好好善用天主給我哋嘅智慧」，所以必須長期計劃爭取民主。
陳日君又提醒港人，不一定要「堅持原則，要對得住自己，對得住下一代，尤其對得住比較冇能力說話嘅弟兄」就算二十三條立法通過，「喺最惡劣情況下，我哋都會過一個有意義、適合人性尊嚴嘅生活」。