如果你係德國保時捷（Porsche）跑車嘅Fans的話，咁就要記住響10月嗰陣，要加倍留意車壇消息喇！因為廠方於日前公布咗會喺今年10月，推出全新911Carrera4SCabriolet開篷跑車，以吸引更多車迷注意呢！
雖然新車嘅造型，與現有其他911硬頂型號相近，但改用軟篷頂配搭後，賣相頓時變得更富吸引力，而軟篷頂開關亦見方便容易；車廂布局又見富有跑車氣息，當中一雙承托力甚豐嘅真皮跑車座椅，更能予人有貼服舒適感呢！然而，新車仍以一台3.6公升水平對向六汽缸引擎，作為此車嘅動力核心，馬力輸出高達320匹；而一套PSM（PorscheStabilityManagement）及四驅系統，更能令車子有更佳行車表現。有興趣嘅車迷，記住要留意新車在港嘅推出日期喇！