李國章揀情人品味如何？教育統籌局噚日搞咗個聯歡會，同班記者開心吓，為咗搞氣氛，記者要每人諗條題目畀局長李國章同常任秘書長羅范椒芬等高官抽嚟答，不過就規定─不問時事、不問私事、不問熱門話題，雖然係咁，啲記者仍然諗到好多刁鑽難題。
有記者就寫：如果你係謝霆鋒，你會鍾意王菲定張栢芝呢？原本由副秘書長謝凌潔貞抽中，但係喺眾人要求之下，最後要李國章答。公關技巧向來了得嘅李局長，於是施展一招「扮懵功」，反問「邊個係謝霆鋒？係唔係成日撞車嗰個？王菲又係邊一個？」大家哈哈哈，咁就畀佢過咗關。
不過副秘書鄭恩賜就好坦白，大大聲話自己鍾意王菲，但唔係佢個人，係佢嘅歌啫。
傳真︰2623-9278
電郵︰