某日，路盲Lola下錯車，在大潭附近迷失方向，偶遇財仔。Lola問路：「哥哥仔，我想去清水灣游水，點去？」財仔訕笑：「靚女你真蠢定假蠢？呢度係港島噃。」
Lola失望：「游唔成水，點算？」財仔搭訕：「教你玩Wakeboard好唔好？」Lola躍躍欲試：「我未玩過，驚喎。」財仔打蛇隨棍上：「只要你有手有腳，99%成功起水，試3次都唔得，咁你真蠢咯。」
記者：陳漢榮 攝影：周旭文
看畢財仔表演，Lola處女下海。
穿着救生衣時，她說了句：「嘩！好英，架艇好靚喎。」財仔說：「比賽用WakeboardBoat，最Top牌子MasterCraft，最新型號Xstar，40萬一架。」花了5分鐘，笨手笨腳穿好滑水靴，先在艇尾熱身，誰知一下水，即手騰腳震，財仔惟有心理輔導：「靚女，唔使驚，就算跌落水都唔會痛，最緊要全身放鬆。首先兩手捉實Handle，板向天，頭同艇尾成一直線，艇一起動，你就用腰力撐起自己，左腳前右腳後，扭腰保持平衡。成功唔難，起完水唔跌番落水至難，記住Hip位要同艇尾成一直線呀。」
理論，Lola聽得懂，但知難行易，失敗了2次，飲了3口鹹水，Lola總算成功起水，雖歷時不及3秒，但已夠她自吹自擂：「我都話我唔蠢，一試就得。」
店名：Riderphilosophy
地址：香港大潭大潭篤村65號
電話：Ken（92096664）；Jim（92012995）
收費：XStar每小時$800，InboardBoat每小時$700。
財仔既然係冠軍級人馬，對於裝備一定好有研究，就睇吓佢點教Lola買裝備。
店名：XGame（28818960）
地址：銅鑼灣白沙街11號1樓
營業時間：星期一至日12:00nn至9:00pm
乘快艇出海，Lola問：「你話篤穿啲乜……」財仔沒好氣答：「我話呢度係大潭篤村。」
香港玩Wakeboard熱點有四：淺水灣、西貢、愉景灣與大潭，後者勝在地理環境佳，三面環山，無風無浪，最重要是無太多大型船隻經過，最適合初學者。「你玩得好叻㗎？」財仔沾沾自喜：「攞過冠軍咁啦。」「真？」「我唔呃靚女嘅……」
話說20歲的財仔，學玩Wakeboard年半，一學便深深愛上這玩意。上年尾，膽粗粗花盡畢生積蓄五千大元，自費過新加坡參加「新加坡花式滑水公開賽」。「先玩2個指定動作，唔Qualified即Out，之後玩Freeride，我左跳右跳又打觔斗，打敗其他50幾個參賽者，攞咗業餘高級組冠軍。」凱旋而歸，香港滑水總會主動聯絡，指定要他做香港代表，參加在紹興與海南島的表演賽。