今日係李柱銘六十五歲大壽。咪以為馬丁可以舒舒服服過生日，佢啱啱為二十三條去完華盛頓同紐約，今朝先返到香港，認真頻撲，一落機又要趕去灣仔參加一個討論二十三條嘅圓桌會議。一講二十三條，實有排傾。八方聽聞白鴿黨中人打算為馬丁慶祝生日，但見佢行程咁趕，都唔知幾時得閒，頗為頭痕。
不過有樣嘢就一定做，就係為馬丁出VCD，重打算攞出街賣！隻碟有馬丁多年來嘅生活、工作片段，重有佢榮休黨主席一職時嘅盛況。八方只能笑歎：白鴿黨唔通真係咁等錢使？一於睇吓馬丁有幾多fans捧場、有幾值錢喇！
傳真︰2623-9278
電郵︰