老竇：阿女！做乜老竇花咗咁多心機同你溫書，但係你默書重係次次都唔合格？
阿女：呢個問題咁膚淺嘅！
老竇：你是甚麼態度呀？下次要同你班主任講吓先得！
阿女：好呀！（輕佻地）
老竇：阿女！你次次默書都唔合格，你知唔知已經成為啲三姑六婆中間嘅大笑話！
阿女：我返咗學六年了，你就唱衰我六年，你繼續唱衰啦！
老竇：（心諗……正一衰女，學埋凸手啲衰嘢）
阿媽：其實阿女已經成功落實每日返學這一項成就了！唔好要佢落唔到台啦！
老竇：（心諗……死啦，學埋阿曾係又挺唔係又挺）
阿女：面對你嘅謾罵，我係可以容忍嘅，但請你不要再用以前嗰一套「默書一定要合格」來看我。老竇，我贈你四個字，要與時並進！
……
V-WO-V-WO……救護車開到接去老竇！
在yumkung.com上流傳着這個小故事，雖然不知誰是作者，但可以肯定的是，原創人是凸手和他的「弱智狼團」。阿媽希望老竇不要令阿女「落唔到台」；阿曾就希望議員不要令凸手「俾人逼落台」。同樣是出於關心，同樣是出於責任，同樣是沒甚麼理據，正所謂「擘大個口得個窿」！
「咁膚淺嘅！」已經變成新一代「無厘頭文化」典範，成就將取代馬騮精的「Yo，使乜驚呀！」從字面、用途以致出處，雖然兩句也同樣不相伯仲，很難分出高低。唯一勝負關鍵在於，試比較兩句之演出者、演出場地及演出次數，就很明顯見得到哪句有更大威力了！