德國平治車廠於日前派發咗今年五月嘅成績表，表現絕能令人感到滿意；五月平治共售出108,400部新車，較2002年同期嘅108,100部多出300部，其中平治各車系合共售出96,900部新車，而Smart則售出11,500部新車。
若以單一車型計算，平治E-Class仍然係該廠最受車迷歡迎嘅車種，皆因由今年一月至五月期間，各地市場合共售出111,200部新車，響同級車中嘅市場佔有率亦有上升趨勢，而全新E-Classstationwagon嘅推出，亦與E-Class售出車輛數目飆升有莫大關係；除此之外，S-Class豪華轎車及SL跑車系列，亦屬熱賣車款之一。
地區銷售成績方面亦見理想，其中部份歐洲國家，如英國、意大利及西班牙等三個國家，均較2002年同期錄得3至8%嘅升幅；而亞洲地區更錄得高達20%升幅（售出車輛數目為36,900部），其中日本仍屬最大市場，合共售出15,900部新車，較去年同期升11%），就連美國亦售出19,200部新車，升幅為6%。