【本報訊】自政務司司長曾蔭權領導的全城清潔小組雷厲風行打擊垃圾蟲，至今已發生十一宗市民毆打執法人員事件，曾蔭權更形容抗拒執法人員檢控的垃圾蟲是「刁民」。
十一宗毆打事故中，七宗已提堂及判罪，最重判入獄三個月。曾蔭權昨在立法會內務委員會上，向議員解釋政府全城清潔政策時表明，執法人員並無恐懼，政府保證一定會堅決執法。
司長表示，當局過去一個星期已檢控七百七十多名隨地吐痰及亂拋垃圾的市民，較五月份平均每星期的四百多宗，增加近七成半。
不過，有議員擔心，一旦小組在三個月任期屆滿後解散，小組努力會打會原形。議員陳婉嫻表示：「你得三個月時間，點解決咁耐問題？」梁劉柔芬則指日前有街邊食肆遭食環署檢控後，即時又再擺賣，當局難以執法。
曾蔭權回應時表明，不能單靠小組解決所有難題，「我哋呢班都係打仔，打仔唔可以長期，呢個工作長遠要交畀各個部門執行。」他對一些小食檔主不顧衞生的營業方式感憤怒，「我好同情各個食肆經營好困難，但我唔同情佢哋將食物露天露地，口水花噴落去，周街都係灰塵，我唔明點解做咩唔用個蓋冚住呢？」
另外，議員麥國風關心政府將寵物便溺當作亂拋垃圾，但曾蔭權更正：「我哋防止狗隻糞便，係唔便溺……已經有長期同深入研究，聽咗專業意見……好似有隻狗走入草叢方便，佢走番出嚟，我哋好難搵到『溺』，只係搵到「便』。」