警員：「㩒定錢幫佢搞保釋」
新牌仔酒後急掟彎釀禍

【本報訊】「點算？飲完酒都係要揸車，無人阻到㗎……㩒定錢幫佢搞保釋囉！」一名「新牌仔」青年昨晨駕駛平治房車，在龍翔道豐力樓對開，疑高速掟彎失控撞石壆損毀，車上三人無受傷。但司機酒精測試超標，涉嫌酒後駕駛被捕，同行友人方寸大亂向警員求助，結果反被警員教訓一頓。

請教警員怎麼辦
涉嫌酒後駕駛的男子二十六歲姓馮，考獲車牌才兩個月，事後還遭警員揶揄一番：「兩個幾月牌就揸歐洲車。」（意思指歐洲車比較難操控）他稍後獲准以五千元保釋，三星期後返署報到。
事發於昨晨二時許，馮駕駛平治C220款房車沿龍翔道往葵涌，駛至豐力樓對開一個右彎報稱跣胎失控，狂撞中間石壆車頭毀爛。馮與車上一男一女乘客均無受傷，但驚慌失措。及至警員到場調查揭發司機酒精測試超標，更加方寸大亂向警員求助，結果反被教訓：「點算？飲完酒都係要揸車，無人阻到㗎……㩒定錢幫佢搞保釋囉！」極之「無癮」。