特首董建華同太座「NurseChiu」今日齊齊出動，參加喺赤鱲角機場心連心「香港再起飛」活動，可惜天不作美，天文台預測今日嘅天氣係「間中有大雨及雷暴」，你話係咪攞景，唔通連個天都唔幫佢兩夫婦？
其實八方都唔想今日天氣差，因為王䓪鳴號召咗一萬個青年大使去機場跑道，砌出一個代表「香港心」嘅巨型心形圖案，如果到時落大雨，重行雷閃電，真係唔知點算好。
如果照原定計劃，佢兩老會喺個「心」中間出現，真係好偉大。八方問特首辦，有冇應變計劃，佢哋話第一就希望天氣放晴，第二就相信大會到時會有安排，應付突發情況。
有人就話，六四嗰日咁好天，但六六就開始變壞，真係天有眼。
傳真︰2623-9278
電郵︰