劉德華昨日在商台做了一天電台主持，由上午十一時工作至今日凌晨一時，一於搏到盡，他更帶備菠蘿包請各同事吃，難怪只做了短短一天主持，便可得到商台的六月傑出員工獎。
劉德華昨日為新碟到商台做宣傳，並為「903如果有一天都係劉德華」活動而加盟商台任一天主持，他昨日早上十一時開始便於電台工作，首先為節目《男上女下》擔任主持，做完節目後便到電台的辦公室拜訪各高層，其中商台創作總監鄭丹瑞更給華仔一封開工利是。
之後華仔回到自己在電台的座位，又請各同事吃菠蘿包，他接着要為電台做多個錄音訪問，其間他做了兩個直播節目《森美小儀山寨王》與《嘩！嘩！嘩！打到嚟！》，直至今日凌晨一時才離開電台。
問到今次華仔在商台做一天DJ，是否代表他與商台的關係改進了？華仔坦言：「關係一向都唔係唔好，咁我每年同每個電台都會做唔同嘅嘢。」而商台為了表揚華仔，更特別頒發了六月的傑出員工獎狀給他。
此外，華仔透露他中了六合彩，他笑說：「係呀，中咗二十蚊，其實我從來都唔買六合彩，係唱片公司幫我買。佢哋話如果我中咗六千萬就唔使再唱歌，費事煩喎。我諗住由今日開始，每期都買六合彩，如果中咗超過一百萬我就分一半畀啲員工，大家開心吓。」而華仔更透露林子祥昨日再做一次身體檢查，便可以知道何時可出院。
採訪、攝影：胡比
