教育統籌局即將要落實學校校董會改革，引入家長同教師代表，辦學團體成員要佔六成，一個原本只有幾個人組成嘅校董會，人數最少增加到十一、二人。開辦十七間學校嘅嗇色園就出現校董荒，該會主席兼前教育署高官徐守滬，噚日喺中學校長會周年大會上，就大喊「我哋係拜神，邊有咁多人識教育」。
佢話第日校董會職責同法律責任比𠵱家大，為校董們買嘅保險額可能要由一億大大提升至十億，「但你肯買，人哋未必受！」
最令佢頭痛嘅係，嗇色園只有一百八十幾名會員，第日法例通過後，十七間學校就每間要派六人，雖然一個人可兼五校，但都要幾十人。
但教統局首席助理秘書長潘忠誠就反駁話，問過大型辦學團體聖公會都話掂，唔明點解嗇色園會有人手問題。
傳真︰2623-9278
電郵︰