前晚出席Dior晚宴的嘉賓，不乏一雙一對的恩愛夫婦，包括九巴家族成員雷兆光夫婦、李國偉夫婦及趙汝琪夫婦等。
久違了的雷林靜怡前晚身穿Lanvin裙子赴會，她表示早前為避SARS，舉家往澳洲旅行了一個月，問她在彼邦生活會否沉悶？她說：「一啲都唔悶，日日同個仔去動物園、水族館同抱樹熊，囝囝不知幾開心。」
但論搶鏡，眾人皆不及單拖出現的雪肌蘭老闆陳細潔，前晚她全身行頭逾百萬元，除了身穿的Dior裙、頭巾及船踭鞋外，更佩戴了Chopard頸鏈及卡地亞手表。
陳細潔一身打扮十分性感，問她可怕走光？她說：「我已經喺屋企照過晒鏡，又跳又趴，重叫菲傭幫手一齊check，畀佢睇晒就真。」
